Articles

የአልማ ማስተባበሪያ ጽ/ቤት የዳታቤዝ ሰራተኞች ዘመናዊ የዳታ ቤዝ አጠቃቀምሥልጠና ተሰጣቸው!

Print
Category: multi-news
Published Date Written by Super User

የአልማ ማስተባበሪያ ጽ/ቤት የዳታቤዝ ሰራተኞች ዘመናዊ የዳታ ቤዝ አጠቃቀምሥልጠና ተሰጣቸው!

የአማራ አቀፍ ልማት ማህበር /አልማ/ የማስተባበሪያ ጽ/ቤቶች የዳታ ቤዝ ሰራተኞች ያላቸውን የዳታቤዝ ክህሎት ለማሣደግ የሚያስችል በተግባር የተደገፈ የሁለት ቀናት ሥልጠና በማህበሩ    የኢንፎርሜሽን ቴክኖሎጅ ዳይሬክቶሬት ተሰጣቸው፡፡

 የአልማ ማስተባበሪያ ጽ/ቤት የዳታቤዝ ሰራተኞች ዘመናዊ የዳታ ቤዝ አጠቃቀምሥልጠና ተሰጣቸው!

የአማራ አቀፍ ልማት ማህበር /አልማ/ የማስተባበሪያ ጽ/ቤቶች የዳታ ቤዝ ሰራተኞች ያላቸውን የዳታቤዝ ክህሎት ለማሣደግ የሚያስችል በተግባር የተደገፈ የሁለት ቀናት ሥልጠና በማህበሩ    የኢንፎርሜሽን ቴክኖሎጅ ዳይሬክቶሬት ተሰጣቸው፡

 

በክልሉ ርዕሰ መዲና ባ/ዳር ከተማ በሚገኘው የአማራ አቀፍ ልማት ማህበር /አልማ/ ዋናው ጽ/ቤት ከ26/07/2011ዓ.ም ጀምሮ በዘርፋ ለተመደቡ ሰራተኞች የተሰጠው የዳታ ቤዝ ስልጠና የማህበሩ ማስተባበሪያ ጽ/ቤቶች የአባላት ልማት እንዲሁም የክትትል፤ ኘላንና ግምገማ የተመለከቱ የዳታ ቤዝ ሰራዎች በዘመናዊ  መልኩ ለማከናወን የሚያስችል መሆኑን ያስረዱት በአልማ የኢንፎርሜሽን ቴክኖሎጅ ዳይሬክቶሬት ዳይሬክተር አቶ ይበልጣል ፈረደ ሥልጠናው የማህበሩን ዳታ ቤዝ ሙሉ በሙሉ ወደ ስራ ለማስገባት የሚያስችል መሆኑንም አስረድተዋል፡፡

ሰልጣኞች በተግባር የወሰዱትን ሥልጠና በታለመለት አግባብ በተግባር ማዋል እንደሚጠበቅባቸው የገለፁት አቶ ይበልጣል ሰልጣኞቹ ያገኙትን ክህሎት ተጠቅመው ለሌሎች ሰራተኞች የእውቀት ሽግግር እንደሚያደርጉ ይጠበቃልም ብለዋል፡፡

ቀደም ሲል የዳታ ቤዝ ሥራቸውን ኤክስ ኤል በመጠቀም ይሰሩ እንደነበር የገለፁት ሰልጣኞች በበኩላቸው የተሰጣቸውን ሥልጠና በየማስተባበሪያ ጽ/ቤቶቻቸው የተዘጋጀውን የዳታ ቤዝ  ሥራ በዘመናዊ መንገድ ለመጠቀም የሚያስችል እውቀት አስጨብጦናል ብለዋል፡፡

በተግባር የተደገፈ የዳታቤዝ አጠቃቀም መሰልጠናቸው ከልማዳዊው አሰራር ወጥተው ወደ ወቅቱ ቴክኖሎጅ እንዲቀላቀሉ መደረጉ እንዳስደሰታቸው ጨምረው ያብራሩት ሰልጣኞቹ ወደፊትም ለበለጠ ውጤታማነት ቀጣይነት ያለው ድጋፍና ክትትል እንዲደረግላቸውም አሣስበዋል፡፡

 


Copyright © 2012  ADA, All Rights Reserved.               Designed & Developed by :Yibeltal Ferede